Миний ойрын мөрөөдөл...

Миний ойрын мөрөөдөл бол  Монгол чадалтай инженерүүдтэйгээ нийлээд 170км Асфальтан замаа барьж дуусгаад дээгүүр нь Салхи татуулан давхих л байна даа хэхэ... 

Мөрөөдөл биелдэг үү?

“Мөрөөдөл”

Мөрөөдөлд хязгаар гэж үгүй
Мөнхийн юм гэж бас үгүй

Богинохон заяатай хүний амьдрал

Боломжоор дандаа хясуулж байдаг юм

Хүрэх гэсэн оргилд итгэлгүйгээр гардаггүй

Хүсэж байгаа зүйлээ зүтгэлгүйгээр авдаггүй

Гайхаж цөхөөд суулгүй зөвхөн өөртөө итгэ

Ганц удаа ч гэсэн мөрөөдөлдөө хүрэх гээд мэрий

Одоо байгаа амьдрал чинь чиний сэтгэлд хүрдэггүй

Онц сайхан биш ч нэг л дутмаг санагдаад

Бурханаас өгсөн амьдрал би ийм л заяатай гэж

Бүх насаараа тэгээд мөрөөдөлгүйгээр явах уу

Үгүй байлгүй дээ Бурхан өршөөг

Үүнийг би бодохыг ч хүсэхгүй

Харин өөдрөгөөр зураглан төсөөлж

Хатуу тавилангаар элээхийг хүснэм

Өөрийн гэсэн үзэл бодолтой

Үзэж туулсандаа сэтгэл хангалуун

Дутаж гэмээ нь хэзээ ч гундахгүй

Дулдуйдаж бас огтхон ч шарвахгүй 

Хясаж байгаа зүйлийн эсрэг тэмцсээр би явна

Хүсэж байгаа зүйлээ өөрийн заавал болгоно

Ялагдаж хэрвээ унавал сайн мууг нь тэнцүүлнэ

Ямар ч нөхцөлд ялагдлаа ялалт болгож чадна

Ийм л байвал чиний мөрөөдөл хажууд байгаа

Илүү сайхан амьдрал нартаас яагаад ч олдохгүй

ТЭНГЭР эцэгтээ мөргөж зөвхөн ӨӨРТӨӨ ИТГЭ

Тэвчиж хүлээсэн мөрөөдөлдөө хүрэхийн эхлэл юм шүү

Алив найз минь яамаар байна

Алтан дэлхий мөрөөдлөөр дүүрэн

Авч үзэж шилж сонгооч

Амьдралдаа тэгээд утга төгс төрөөд

Хэцүү цаг үе тулсан үед ч

Хэнээс ч битгий аврал эр

Үнэнийг ганцхан чи өөрөө л олно

Өнгөрүүлсэн бүхэн чинь чамд нотлоод өгнө

Харин одоо юуг мөрөөдвөл хүрдэг

Хад мөргөж зарим нь яагаад нурдаг тухай

Эрэгцүүлэн бодож сайтар тунгаая

Элдэвт тэгээд дурлаж мөрөөдөе

Тунгааж бодоогүй мөрөөдөл бүхэнд

Төвөг удаж саад тохиолддог

Зорилго үгүй зөнгөөрөө явбал

Зовлон болж хад мөргөдөг

Хоосон хонож нүцгэн гүйхгүй

Халагдаж ажилгүй болчихгүй бол яамай

Цалин хүрч байна болноо гээд

Цааш нь хүсэхгүй бол чи мөрөөдөлгүй хүн

Эсвэл чи дэндүү мөрөөдөмтгий ч

Эхэлсэн ч юмгүй хүрсэн ч юмгүй

Юм юманд дэмий л үсчиж

Ер нь яагаад болдоггүйг нь тооцолгүй

Шал худлаа хоосон шаралхаж

Шалдаа буухгүй заавал чадна гээд

Учир утгагүй муйхраар зүтгэвэл

Урд чинь хад таарч нурахаас өөр юм болохгүй

Харин үүний оронд сайтар төлөвлөөд

Хаанаас эхлэж хэзээ дуусгахаа

Ямар ч үед барьц алдахгүй

Яг тооцоолж цагаан баримтлаад

Итгэл төгс ажиллаж эхэлвэл

Илүү үр дүнд чи хүрнэ

Мөрөөдөлтэй хүн гэж түүнийг л хэлнэ гэж

Мөдхөн хүмүүс чамайг хүндлэх болно

Ийм л байна анд найз минь

Итгэх эсэх нь чиний л хэрэг

Ямар ч байсан мөрөөдөлд тэмцэл хэрэгтэй

Яндашгүй их мөрөөдөл хүн бүрт байх ёстой

Ганц зүйл мөрөөдөлд маш их саад болдог

Гайхаж байна уу найз нь хэлээд өгье

Хэтэрхий их ганцаараа явбал чи

Хэзээ ч юунд ч хүрэхгүйг санаж яваарай

 2010.10.01 С.Эрдэнэбаяр


Мөрөөдөл үнэхээр биелдэг юм уу? Та бүхэн юу гэж бодож байна даа... ;-)

Монгол миний эх орон

Хэрхэн Англи хэлтэй болдог юм билээ...

Өнөөгийн энэ хурдацтай хөгжиж байгаа нийгэмд Англи хэл шиг хэрэгтэй хэл байхгүй болоод байна. Уг нь толгойтой болгон л English-ийг сурах гээд их бага хэмжээгээр оролдсон гэхэд болох байх, би ч гэсэн цагтаа оролдож л байлаа. За яахав анхны мэдэгдэхүүнгүй хүний хажууд ABC-тэйгээ л байх. Гэхдээ үнэхээр хангалтгүй байгаад байдаг. Яг аргыг нь олж чадахгүй бол их төвөгтэй нөхөр шиг байна лээ. Иймд English-тэй эрхэм та хэрэв хүнлэг хүн бөгөөд, таньд төвөгтэй санагдахгүй бол бусдад буян болог гээд ядаж хэрэглээний түвшинд гацчихгүй ярьдаг, ойлгодог болчихоор хялбар нандин арга байгаа бол бидэнд хэрхэн яаж үр дүнтэй зөв сурсан аргаасаа ганц хоёрыг ч болов бичиж үлдээнэ үү.

Амьдрах сайхан - 2 буюу “БИ”

Намайг Ч. Идэр гэдэг. Би Баянхонгор аймгийн Өлзийт сумаас гаралтай ЗАНА-ын БОР-ын удмын хүн л дээ. Цагтаа ЗАНА-ын удмынхан Баянхонгортоо цуутай баячууд байсан гэж ярьдаг юм билээ за тэр ч яахав. Би 1981 оны 8 дугаар сарын 31-нд Улаанбаатар хотод аав Чимэдцэрэнгийн 3 дугаар хөвгүүн нь болж орчлонд мэндэлжээ. ОРЧЛОНД НАМАЙГ ТӨРҮҮЛЖ ӨСГӨСӨН АЧТАЙ ААВ, ЭЭЖДЭЭ МЭХИЙН ЁСОЛЪЁ. НАМАЙГ ТӨРҮҮЛЖ ӨСГӨН, ӨДИЙ ЗЭРЭГТ ХҮРГЭСЭНД МАШ ИХ БАЯРЛАЛАА, ТА ХОЁРТОО ХАЙРТАЙ ШҮҮ, ХҮҮ НЬ САЙН ЯВЖ БАЙНАА, ХИЧЭЭНЭЭ гэж хэлье.

Амьддаа бие биенээ хайрлаарай

Wow Connie Talbot - Энэ их хөөрхөн охин шүү, шүүгчид ер нь хэн ч байсан 6хан настай ийм бяцхан охиныг хэн ингэж чадварлаг, мэдрэмжтэй, хэвлүүхэн дуулна гэж хэн санах вэ дээ. Би ТВ-ээр гарч байхад нь үзэж байгаагүй юм. Саяхан You Tube-ээр үзчихээд улаан фэн нь болсон доо Connie Talbot I love you хэхэ. Шүүгч Simon-ыг "You are fantastic" гэж хэлэхэд Connie-гийн хязгааргүй ихээр баярлаж байгаа нь их хөөрхөн. Анх 2007 онд оролцож байсан гэдэг чинь одоо бараг 10 настай байх нь ээ дээ. Goodluck to you! You are fantastic!

Бурмаар тэтгэхээр! Урмаар тэтгэ гэдэгдээ. Хүмүүсээ бие биедээ урам хайрлаж, халуун дулаан үгээ харамгүй чулуудалцаж, эрч хүч, энерги бэлэглэж амьдарцгаая!

Хүний сайхан сэтгэл

Шинэ оны эхний мэндчилгээ болгож "Хүний сайхан сэтгэл" дууг бүх сайхан сэтгэлт хүмүүст зориулъя.

Хүний сайхан сэтгэл

Хүний сайхан сэтгэлийг хайрлаж яваарай гээд

Хүж дэлхийд би хүслээ шингээж дуулмаар байна

Ямар сайхан хүмүүсийг бурхан надад илгээснийг

Ялгуун сарны доор үгээр хэлэхийн аргагүй, үгээр хэлэхийн аргагүй

Андын сайхан сэтгэлийг хайрлаж яваарай гээд

Алтан дэлхийд би аялгуут дуугаа дуулмаар байна

Ямар сайхан хүмүүсийг бурхан надад илгээснийг

Ялгуун сарны доор үгээр хэлэхийн аргагүй, үгээр хэлэхийн аргагүй

Найзын сайхан сэтгэлийг хайрлаж яваарай гээд

Нарт хорвоод би нандин бүхнийг дуулмаар байна

Ямар сайхан хүмүүсийг бурхан надад илгээснийг

Ялгуун сарны доор үгээр хэлэхийн аргагүй, үгээр ч хэлэхийн аргагүй ээ